لماضة فى دمى وجيبالى الكلام ياترى على حق ولا على باطل
 موقع مدونة لماضــــــــــــة

بجد مفيش كلام يتقال
لان مفيش فُجر أكتر من كده
الفجر بعينه
وعشان الناس تنبسط وتنسى
جدول مباريات كأس العالم
واخدين بالكم

هما الرجالة اتعموا ولا ايه ؟؟ ! انا مش عاوزه ابشر على حد من اخوانا في الجهاد أقصد الرجال ..  وخصوصا ان امرهم يهمنا الكام سنه دول – شوية دلع لحد ما رجلهم تطب -  بس الجمله دي بسمعها اكتر ما بسمع كلمة ازيك من الاهل والأحباب والاصحاب وميضرش عبده البواب أو مريض جي يحنن قلبي عشان أكتبله على أجازه .
وعليه قعدت افصص السؤال الرجاله أتعموا – بعد الشر لحد ما ربنا يتمم على خير –  وتوصلت لعدة احتمالات :
1 - يمكن بيغضوا البصر وساعتها يبقى كل الرجال محترمين وملهمش آخر والفيلم كداب .
2- يمكن مش عاجبهم الخلق الي بيشوفوها وب...

من ساعة ما اقتحم الفيس بوك حياتي والدنيا اتشقلبت بصراحه بدل رسايل الموبايل بقت كومنتات على صفحات الاصدقاء وبدل الاتصالات والبومات الصور بقى كل شىء سهل جدا والحياه بقى لونها ازرق بلون الفيس بوك
كله كوم بقى يا اخوانا والجروبات الي بتتعمل كوم كل ما حد يتزنق لا مؤاخذة في حاجه بدل ما يقلع يعمل جروب عالفيس بوك – طبعا لا انكر الجروبات الهادفة – زي مثلا جروب اي فيلم كرتون تحبه وجروبات ايام الطفوله المشردة
الى ان اتكعبلت في الجروب ده بس يا سيدي وقمت معيطه كل  الجروبات والفيس كوم بلعبه برسايله بكومنتاته والجروب ده كو...

كالعادة قاعده لا بيا ولا عليا بهرش في وداني مكان السماعة وبلعب في عيني (منخيري بقت قديمة ) هبط على اغنية انا مش خرونج انا كينج كونج بصراحة الاغنيه جت على الوجيعه خصوصا اني في نفس ذات اللحظة كنت على الفيس بؤ الي مبفتحش غيره اصلا .. لفت نظري ان الراجل صوته حلو صحيح الاغنيه مسخرة بمعنى الكلمة .. بس اجبرني اني اركز في الكلام والصوت ده طبعا بعد ما موجة الضحك عدت على خير ومجاليش امساك بعدها الحمد لله
قلت يلا بجملة التهييس الي بنسمعه كل يوم يعني هي جت على الراجل ده ما احنا بنسمع تهييس على العلاج والضرايب والسكن وا...

لو هتعتقلوا مهنى يبقى اعتقلونا كلنا
ومع البرادعي لاخر الخط ان شاء الله
وده ان دل على حاجه يدل على منتهى الضعف
خسارة يا بلدي وألف خساره على الي بيحصل في شبابك
الفين إخص متكفيش
هنشتري كل نسخ كتاب البرادعي وحلم الثورة الخضراء
متضامنة مع مهنى ودكتور البرادعي

سلامتك يا ريس .. ربنا يديلك الصحة وطولة العمر ويبعد عنك وعن اي مصري اي مرض وحش
صدقني حسيت زي ما يكون حد من أهلي تعبان .. الف بعد الشر عليك يا ريس .. لو مقلقتناش عليك هنقلق على مين ده انا من ساعة ما عيني فتحت عالدنيا مشفتش غيرك
بس انا ليا عتاب صغيرعندك يا ريس ..
بقى اول ما تتعب كده تسيبنا وتسافر انت كمان بتهاجر ؟ بقى أكتر من 20 الف دكتور مش مأمنهم على نفسك وفيه اكتر من 80 مليون مأمنينك ومسلمينك نفسهم يا ريس !!
ده انا قعدت اتخيل لو كنت عملتها في مستشفى مصرية كان هيحصل ايه .. أكيد كنت اتنقلت باالاسعاف الطائر ا...

1-    اشتريلك صابونة صباح الفل وبلاش استخصار – فين ايام صابون الجمعية ابو تلاته تعريفه -  ضروري تخليها معاك في كل حته خصوصا في شغلك عشان لو جالك حد غتيت تعرف تزحقله ولو جالك واحد حبيبك تعرف ترّغي معاه
2-    تأكد من تغطية كل فتحات التهوية عندك سواء علوية او سفلية الغلاف الجوي مش ناقص مواد أو غازات مسممه بتطردها بعد أكلة بصل متينه او كحة شيشة فراولة ويفضل لو متستخدمش منديل القماش المحلاوي وتشتريلك علبة كلينيكس من اي عيل واقف في المحطة وبالمرة تبقى زكاة عن مالك وعيالك
3-    ابعد ايدك عن انفك وفمك وعينك ودفيها ...

أنا عايزه اتجوز بابا وجدو
ويحضر الفرح ستو وخلتو وعمتو وجميع الاهل والاحباب

واليكم اخر الاخبار عن الزلزال المحلي  المدمر " داهيه- تي"
قدر رئيس وزراء  "داهيه- تي " السيد  " كلوركس " ان تتجاوز حصيلة قتلى الزلزال القوي الذي ضرب بلاده "100 مليون قتيل " اي ما يقرب من اجمالي سكان الدولة جميعا
وقال في تصريحات لشبكة سي آي  آي " انه من الصعب تحديد عدد الضحايا والمباني التي دمرت، مع السكان في داخلها اعتقد اننا سنتخطى حصيلة من 100 مليون قتيل وبذلك قد اصبح رئيس الوزراء اسما على مسمى مما حققه من حملة نظافة قوميه ".
وأعرب رئيس داهيه - تي "طويل العمر يطول عمره " عن اعتقاده ان آلاف الأشخاص لقوا حت...

الحملة دي جايه عالوجع قوي فكرتني بخمس سنين فاتوا بالتحديد 2005/9/6   يدوب كنت في كلية ووخداني الحماسة قوي اني امثل بلدي او ان يبقالي صوت انتخابي او بمعنى اصح يبقالي كلمة .. مهو المصري مش بس بكلمته المصري ببطاقته وحريته
وعليه طلعت بطاقتي الانتخابيه مش بس عشان انتخب .. لأ .. وكمان عشان لو منتخبتش محدش ياخد صوتي .. دول معتقوش الميتين يا اخوانا ما بالكم بقى بحد زيي مش طالعله صوت .. ويدوب بنادي على العيان الي بعده .. او بملي لموظف الصرف اسمي اخر كل شهر .. أو حتى بدي للجزار حق كيلو عضم بعد ما عضمه فيهم بتكون اتحش...